S'Isposa de s'Emigradu
di Larentu Pusceddu

Imbrenucada ti nannicas
che bantzicu iscravadu
e sos punzos biaitos ti ficcas
in su sinu in boleos
ca sas zovanas intragnas
lichidas che sa terra arestada
isetan chi una manu dilicada
su tallaranu che moat
de sos suspiros tuos affocados
pro chi s'omine tuo luntanu
b'isuliet semen fecundu
pro ammudare su silentziu
e pro addurcare sa solidade.

T'ascurtan solu sos muros
si cantas nenias de amore
chi de mudare disizas
in ninnios de maternidade.

(Premiu ispetziale de sa zuria - Mores 1979)