S'Itàlia unida
de Maurizio Faedda

Bird’ ‘e isperas bias e ammajos,
biancu nidu téssidu in sa tela,
ruju ‘e sàmbene peri sa carrela
chi untinadu han babbos e jajos.

In rudes cuntierras che massajos
e marineris ch’altzian sa vela,
pinta de tres colores sa bandela
chi de logores ispramat a rajos.

Has in sos montes nies de ierru,
de mùsicos cantores ses funtana,
sos fizos malos ch’has postu in s’inferru.

Bantu ‘e sa nassione italiana,
arte e trabàgliu cun coro e ferru
de donnosmannos chi unidu t’hana

E ti sobran de lughe soliana
sos caros frades ch’han fattu disterru.

Menzione d’onore al XXIII Concorso di Poesia Sarda CREI – ACLI Sardegna
Sezione D: premio FAP – ACLI