S’OBRERI MAZORE
di Francesco Sanna

Cando Dante at iscritu sa Cummedia
l’at fatu primm‘e totus pro dovere:
dimustrare deviat a Mastr’e a Mere
totu su ch’in caminu aiat cumpresu;

e pois si superadu ch’iat sa media
deviat, ca fit de Amore Cavaliere,
impreare s’arte sua e cum-piaghère
mantenner cussu fogu ch’iat atzesu.

E duncas li tocait d’esser in mesu
de cussu tempus tziclicu epocale,
che unu “chakravarti” medievale
da su tzentru moviat su chilcu atesu:

issu frimmu e serenu meditande
e sa roda ‘e sa vida.. murigande.

* * *

Cuddas "madonnas" ch'in tempus issoro
cantain sos trubadores medievales
fuin tottu Cunfrarias intellettuales
e i sa Sabiduria fuit s'Amorosa.

Ispantu e zentilesa aian in coro
ca si nutrian de pane ispirituale,
ammaniadu cun Arte Magistrale
da sos Obreris de sa santa Isposa.

«Amor e cor gentil sono una cosa»
fuit UNU in cantu 'e s'Obreri Mazore,
chi cun Arte, incantande ogni Priore,
lu faghiat cun-templare a cussa Rosa.

Ma como chie l'incantat su profanu ?
An gana de li dare tonforanu...! (*)
---------------------------------------
(*) Nè perlas a porcos, nè a s'ainu tonforanu...