Restas sempre cuadu et in solidade
sempre covende traschias et ingannos
in su coro ‘e sa zente creas affannos
privu de bonu sentidu et umanidade.
Tue regnas in s’ignoranzia umana
e gosas de sa disgrascias anzenas
e de issos t’allegran sa tristes penas
ca non cheres chi vivan dies galena.
Privados lo hasa de sa serenidade
ca fintzas in sos pius caros amigos
faghes idere sa cara ‘e sos nemigos
rmados de rancore e falzidade.
Seminadu hasa sempre flagellos,
finza sa gherra dae tie est generada
isparghende sambene in sa terra amada
lassende a so chi restan sos fardellos.
De s’omine feridu has approffitadu
che una serpe ti che sese insinuadu,
in cussu coro pienu de amore
e vives de s’odiu de su sou dolore.
Non b’hat mortos in gherra chi t’han satziadu
ma bastad’est una lagrima ‘e deu
pro pienare onzi animu de recreu
e sanare sa ferida chi t’hat creadu.
