S'OLIA DE SANTU SERAFINE

Connota dae seculos fichida
esposta a bentos e temporale
però in custos annos de sa vida
ses manna diventada e colossale.

Ma si est sa manu accanida
cun sa cundanna a su colpu mortale
in bezzesa ses bennida punida
cun motosegas e colpos de istrale.

Ghilarza ogare a pizzu non cheria
una pianta pro aer distruttu
contra custa manu ti ribellas.

Ma pro una pianta de olia
si est tottu sa idda estida a luttu
che chi essseran sas turres gemellas.

Nino Deligia - 14 Gennaio 2006