So prantande fiores
in cust’àrrida terra,
ube creschian bisos e disizos
de sos menzus colores,
attesu da’ sa gherra
chi intro semenadu m’at fastizos.
E m’assutto sos chizos
infustos de suore,
leàndemi mattana
po chi non siat vana
s’ispera chi mi mustrat su lugore
de chelos ispanéschidos,
ube lampizos dìligos sun créschidos.

E s’incras meu pranto,
po lu ‘ier naschinde,
in d-unu pramu ‘e pettus friscu e nidu,
e de sonos m’incanto,
in s’aera isparghinde
s’ammentu ‘e cando fia ‘e gosu ‘estidu.
In su coro incanidu
una làgrima falat
de làstimas infusta,
dimandande s’est custa
sa vida chi su tempus mi regalat,
po m’intender s’alenu
de su rundare meu istraccu e lenu.

E penso a su puite
sas dies mi che colan
che imprentas in s’oru de su mare;
e mi dimando abbite
sos pensamentos bolan
si alas prus non tenzo po pigare
inub’ ‘enin appare
sa rejone e s’arcanu,
su coro cun sa mente.
E chirco in su presente
d’intender torra frinas de beranu,
chi m’indurcan s’anneu,
in s’isettu ‘e connoscher s’incras meu.

Il mio domani

Sto coltivando fiori
in questa terra arida,
dove crescevano sogni e desideri
dei colori più belli,
lontano dalla guerra
che fastidi mi ha seminato dentro.
E mi asciugo le ciglia
bagnate di sudore,
affaticandomi
affinché non sia vana
la speranza che mi mostra la luce
di cieli rasserenati,
dove bagliori delicati son cresciuti.

E pianto il mio domani,
per vederlo nascere,
in un tratto di petto fresco e pulito,
e di suoni mi incanto,
spargendo nell’aria
il ricordo di quand’ero vestito di gioia.
Nel cuore invecchiato
scende una lacrima
bagnata di rimpianti,
chiedendo se è questa
la vita che il tempo mi regala,
per sentire il respiro
del mio vagabondare lento e stanco.

E penso al perché
i miei giorni passano
come impronte sulla riva del mare;
e mi chiedo con che scopo
i pensieri volano
se ali più non ho per salire
dove si incontrano
la ragione e l’arcano,
il cuore con la mente.
E cerco nel presente
di sentire di nuovo brezze di primavera,
che mi addolciscano la tristezza,
nell’attesa di conoscere il mio domani.

15 aprile 2014

1° Premio alla XXXIII Edizione del “Prèmiu ‘e Poesia Sarda Posada” – Sezione poesia in rima - Posada 9 agosto 2014