Zobanos pazientade unu mamentu
Bollu naro e non bonne parjat male
De sa bida sa cultura est su sale
E de s’ istupidade est cunnimentu.

Sa ricchessa naran chi est unu valore
De non sinne poder facher ammancu
Donzi mamentu la si cheret a fiancu
In custu munnu po si facher onore.

In sos social b’est chie tentat sa fama
Postanne fotos de condividere
Provocantes pro menzus las viere
Ma chin su tempus si ne perdet sa brama.

Pizzinnos si bos cherides ammentados
Sa cultura bos siat de nutrimentu
Però non siat unu parabentu
Pro narrer chi sezis istudiados.