| S'arcu
'e chelu
Ite bellu, in s'àera,
s'arcu 'e chelu,
cun lughidos colores s'est mustradu,
de cant'est bellu nd'adduro ispantadu,
cuntentu mi frimo a l'abbaidare,
tia semper 'istare a l'amirare,
paret fattu dae manos d'anghèlu.
Cantos colores bellos como b'ada,
chi sa natura at cherfidu pintare,
su colore 'e s'amore, de su mare,
de sos isteddos e de sa campagna,
in tempus friscu o daghi b'at siccagna,
e de sa terra, cand'est tribagliada.
Sos fiores, in su campu ispuntados,
sa luna in cussas nottes nidas giaras,
e de s'isposa sas lughidas laras
bellu su sole, in s'interighinare
sas abes chi si pesan'a bolare
in chirca 'e frores bellos, profumados.
De rosas, violettas e de lizos,
graveglios, margaridas e lidone,
de sos fruttos, ch'in donzi occasione,
de coro, benin dados a s'amigu,
su colore de s'orzu e de su trigu,
ch'entulan, in s'arzola, babbu e fizos.
De gialminu, mendula fiorida,
frores de lilla, giacintu e viola,
aera, bàilcu e bundajola,
sos puzones ch'in chelu sun in bolu,
rigulu, filumena e cardarolu,
su pettiruju e sa coisalida.
S'arcu mi sighidi a meravizare
ca b'at colore chi c'addurat fora,
apo 'idu su color' 'e s'aurora.
ma no su-e de sa notte iscurosa,
o de su coro 'e mamma chi penosa,
a nois, sola, at devidu pesare.
Cuss'arcu chi nacchi est sol'allegria,
si mustrat in su chelu relughente,
dande un'ispera e cunfortu a sa zente,
po chi sa vida potat mezzorare,
e su nieddu potat cambiare
in colores de amore e de armonia. |
L'arcobaleno
Com'è bello, nell'aria, l'arcobaleno,
si è mostrato con dei colori splendenti,
è tanto bello che provo meraviglia,
e mi fermo, contento, a guardarlo,
starei sempre ad ammirarlo,
sembra fatto dalle mani di un angelo.
Ci sono tanti bei colori
che la natura ha voluto dipingere,
il colore dell'amore e del mare,
delle stelle e della campagna,
quando il tempo è fresco, o quando c'è siccità,
e della terra quando è coltivata.
I fiori che sono spuntati nel campo,
la luna, nelle notti nittide e chiare,
e le lucide labbra della sposa,
bello il sole nel tramonto,
le api che si levano in volo,
per cercare dei fiori belli e profumati.
Delle rose, delle violette e gigli,
garofani, margherite e corbezzolo,
dei frutti, che in ogni occasione,
di cuore, sono dati all'amico,
il colore dell'orzo e del grano,
che, nell'aia, spagliano padre e figli.
Del gelsomino, del mandorlo in fiore,
fiori di lillà, giacinto e viola,
acero, violaciocca e genzianella,
gli uccelli che volano nel cielo,
regolo, verzellino e verdone,
il pettirosso e la cutrettola.
L'arco continua a stupirmi,
perchè manca un colore,
ho visto il colore dell'aurora,
ma non quello della notte buia,
o del cuore di mamma che, con tanta pena,
da sola ci ha dovuto allevare.
Quell'arco che è solo allegria,
si mostra nel cielo pieno di luce,
dando speranza e conforto alla gente,
affinchè la vita possa migliorare,
ed il nero possa cambiare,
in colori d'amore e d'armonia. |
