S'Attrivida
di Mimiu Maicu

Lughiant sos isteddos, una “duna”
nos fud'amparu in sas renas friscas,
cun s'amorad'in amorosas triscas
nos fù cumpanza risida sa luna.

Pariat narrer: “tenta sa fortuna,
si govinu non paras, ite piscas?
Si istanotte tottu no arriscas
Podes restare cras a sa jauna.”

Deo che maccu ponz'in ment'a issa
e za dd'ischìo cant'est faularza,
ca mai n'at cumpridu de promissa.

Ma s'amorada si pesat che arza:
“Tue, semper cun cuss'idea fissa!”
Ponide fatt'a sa luna majarza.....

Menzione d'onore al "Quartucciu 2011"