1
Partidu so, in chirca ‘e sa ‘ezzesa,
dae pizzinnu minore in sa titta,
semper andende in contìnua gitta
passad’hapo sa mia giovinesa.
Poi ‘e sessant’annos in s’impresa,
incontro sa ‘ezzesa malaitta:
tota ispurpada, pàllida e tremante
cun sa cara a sa morte simizante.
2
Logrados de s’incontru sos disizos,
abbrazzada mi l’hapo a bonu coro.
L’ammiro tantu, vénero e onoro,
sibbene iss’hapat de morte assimizos.
Est vera fonte de bonos cunsizos
che ‘alen veramente a pesu d’oro
e sos faeddos suos sun sentenzias. (…)