Cantu nd'at fattu, cantu,
su macchin' 'e sos omines
e cantu suffrit Ottana, lantada.
Ohi coro! Ohi coro meu,
pianghen sos fumajolos,
chercos chena lande, nieddos
tittones chena fumu.
Piano di Rinascita
li naraian, tribàgliu pro tottu,
su sero in bidda e sa notte in su lettu,
àteru che cuile in foraidda
a su frittu! - Lavoro ci vuole!
S'industria bi cheret oe
ca dignidade li deghet a s'omine! -
Gherrade zente, gherrade
per il Piano di Rinascita.

E sas tancas amus lassadu.
In su ruu ch'amus frundidu sa 'este
ch'ischiat de ozu casu
e sa tuta amus bestidu,
biaitta, in colore de su chelu
ca est menzus de s'incunza
sa paga fissa su trinta 'e su mese!

E su ruu s'at ingullidu sas tancas.
In buttega si còmporat su pane
e su latte in iscatula 'e cartone,
su tintieddu a pagu a pagu
at nastuladu sas aeras
in fiagu 'e petroliu
e su 'entu solopu
sas bamas at isperdisciadu
e brujadu su pirastru.
E cand'est mortu s'ultimu pastore
interradu che l'amus in tuta,
sa mastruca si nd'an bogadu finas
sos merdules e chin petróliu

su fogulone an inchesu 'e su Santu.

E su ruu est su mere de sas tancas
chena rìsidu 'e fiores in beranu
ne giogos de laghinza
in s'erva ruppende.
Non bi nd'at pius pastores e massajos,
tittones ebbia, chena fumu
e operajos-boes accamados,
omines, in anneu de s'ispèrdere
in cass'integratzione
e féminas in pena
e campuras chena trigu
e pedras, pedras nudas e ardu reu.
Sa filonzana!
Mama sa filonzana
in fusos de oro filende sa lana!

Lampos mi curren in coro.
At a bènnere sa die
chi a s'ama an a torrare sos pastores
e a sa terra sos massajos,
che pumas, a li rèndere carignos
lèbios, an a torrare a sa terra
chena bi lassare tratta,
chena li violare sas intragnas.

Rinascita
a pastori e contadini della piana di Ottana

Quante ne ha combinate, quante,
la follia degli uomini
e quanto soffre Ottana, ferita.
Oh Dio! Oh mio Dio,
piangono le ciminiere,
querce senza ghiande, neri
tizzoni senza fumo.
Piano di Rinascita
lo chiamavano, lavoro per tutti,
la sera in paese e la notte in un letto,
altro che ovile in campagna
al freddo! - Lavoro ci vuole!
L’industria serve oggi
perché all’uomo s’addice dignità! -
Lottate gente, lottate
per il Piano di Rinascita.

E le tanche abbiamo abbandonato.
Fra i rovi abbiamo buttato i vestiti
che sapevano di formaggio
e la tuta abbiamo indossato,
blu, colore del cielo
perché è meglio del raccolto
lo stipendio sicuro il trenta del mese!

E i rovi hanno inghiottito le tanche.
In negozio si compera il pane
e il latte in scatola di cartone,
la fuliggine a poco a poco
ha tarlato il cielo
che odora di petrolio
e il vento di scirocco
le greggi ha disperso
e seccato il perastro.
E quando è morto l’ultimo pastore
l’abbiamo seppellito in tuta,
anche i “merdules” hanno svestito
la mastruca e con il petrolio
hanno acceso il fuoco del Santo.

E i rovi sono padroni della tanca
senza sorrisi di fiori in primavera
né giochi d’agnelli
nell’erba novella.
Non più pastori, né più contadini,
tizzoni soltanto, senza fumo
e operai-buoi soggiogati,
uomini, con l’angoscia di perdersi
in cassa integrazione
e donne in pena
e campi incolti
e pietre, pietre nude e cardi spinosi.

La “filonzana”!
Mamma la “filonzana”
con fusi d’oro filando la lana!

Un brivido mi attraversa il cuore.
Verrà il giorno
che alle greggi torneranno i pastori
e alla terra i contadini,
come piume, a renderle carezze
lievi, torneranno alla terra
senza lasciarvi segno,
senza violarla.