Custu dì est tristu tristu
e scuriosu:
su soli de mannas nuis est velàu
cummenti chi si fessit preparàu
assistiri a unu ritu dolorosu.
Unu lentu rintoccu lamentosu
su bentu de lontanu m’hat portau
chi talmenti su coru m’hat turbau
lassendimì cunfundiu e dubbiosu
e unu sensu de angoscia aici forti
chi m’est partu de intendi in cussu istanti
s’amplessu dolorosu de sa morti
chi mi stringessit e naressit: "Tanti
t’illudis de sa vida e de sa sorti,
mortali misereddu, ses erranti!"
