A fizu meu Ferdinando in sa die chi s'est cojadu

Est solu deris chi cun ancas de duda
a mover passitos as imparadu,
paret onz’annu passad’ a sa muda,
e como già ti miro cojuadu
Su tempus ch’est cuitende coladu,
in cuss’arcu chi isterret sa vida,
ses com’ in s’altare imbenujadu,
pro concluire una promittida.
Mantenel’ istrint’ ognora sa manu
de un’isposa che petal’ ‘e rosa,
cun rispetu e zelu fitianu,
in benidores de sorte donosa.
Da onzi frutu potedas coglire,
pro istrinar’ a sa vida sabore,
e die cun die ider fiorire
disizos noos pintados de amore.
Totu su bene chi ch’est in su mundu
fizos galanos bos ant a torrare,
e notas de un’isetu fecundu
dillos de aficu bos ant intonare.
Sezis bessidos dae domo cun gosu
pro abbojar ‘’e s’amore sa fiama,
sa bona sorte mai apat reposu,
custas sunt uras sintzeras de mama.

SU DEGHESETE DE LAMPADAS DE SU DUAMIZAEDEGHESETE.

E’ solo ieri che, con le gambette malferme, hai mosso i primi passi. Gli anni sono trascorsi silenti, ed oggi ti ritrovo già sposato. Il tempo è passato in fretta, in quell’arco che distende la vita, ora sei inginocchiato all’altare, per onorare la promessa. Tienila ben stretta quella sposa, come un petalo di rosa, con rispetto e zelo costante, contornato sempre da una sorte benevola. Di ogni frutto coglierete il sapore per vedere sbocciare nuovi desideri colorati di amore. Tutto il bene che esiste al modo vi restituiranno i bravi figli che avrete generato, e note di attese feconde vi intoneranno motivi di certezze. Siete usciti di casa con la gioia nel cuore, andando incontro all’amore, la buona fortuna vi accompagni sempre. Questo è l’augurio di mamma.