(Pietro e Anna Maria)

(Due sonetti, il primo, per la scomparsa a meno di cinque anni del mio primo figlio, Pietro, a causa dell’anemia mediterranea e, il secondo, per la dolorosa morte, a causa di una gravissima e deformante forma di lupus reumatoide, di una giovinetta parente, Anna Maria, che idealmente va a raggiungere il piccolo Pietro, in una casa del cielo, per giocare, a girotondo, con tanti altri bambini, i bambini perduti. Premio “Onlus ho una casa – Roma 2011).

Pietro

In s’ora chi su sol’intrad’in mare,
pro b’agattare sa dimora sua,
bido, in sos rajos, sa cara tua
iscumparend’in sas undas, umpare.

Tando s’ammentu non podet bastare
a frimmare sas lagrimas in fua,
né a tenner su dolu a s’accua.
Chi forte cheria abboghinare!

Pro su destinu inimugu brutale
chi m’hat furadu, pitzinnu s’amore
neghendemi sa sorte naturale

de ch’intrare, prima ‘e su fiore,
in cussas abbas de s’eternu male
chi giambat in nieddu ogni colore.

Anna Maria

Ojos mannos frunidos de luna,
laras abertas a risu solianu,
ti ch’has leadu, a logu luntanu,
ingrata sorte cun malafortuna.

Bella pitzinna, colores de pruna,
furad’a nois, unu frittu manzanu,
poi ‘e haer tentu, in ossos e manu,
male, non benzat pius a perunu.

Inue che sese, ti penso riende,
umpar’a tie, como, giocan sos lizos,
a manu tenta e a girutundu.

Anna Maria, in cuss’ateru mundu,
in sas domos de sos perdidos fizos,
isco ch’a Pietro mi ses abbratzende.