Sa gherra
Giuseppe Chessa

Sa gherra est semper isbagliada
leat sa vida in su menzus fiore,
sa mama chi sena fizu est restada
pregat pro suportare su dolore.

Sa muzere chi mortu l'an s'amore
restat aflita e disconsolada,
si lamentat su fizu minore
chi su babbu connotu no ada.

A sos mortos in Austria, Abissina,
su fronte grecu, su russu geladu,
in su desertu, in aria e in marina,

su populu torpinu generosu
su monumentu lis at innalzadu
a memoria de s'eternu riposu.