Sa gita a Nizza

Nizza assimbizzo a tantas capitales
Frores giardinos bellos monumentos
Connotta meda es pro sos carnevales
Ca sos turistas che torran cuntentos

Cresias bellas tipu cattedrales
Capellas Monasteros e Cunventos
Garibaldi cà tentu sos natales
In s’annu Sette Milli e Ottighentos

Custu eroe de manna carriera
Vanta su mundu cun tottu sos suos
Credente in Cristos e Nostra Signora

In pinzione moridi in Caprera
In Sottoghentos e Ottanta Duos
Dande a sos Sardos onores ancora

_________

Nizza bella cun frores e giardinos
Appo lassadu cun sos abbitantes
Monumentos Romanos Saraccinos
Fattos de gherrieris e gigantes

Istradas noas antigos camminos
Amiru de turistas e passantes
Zilleris trattorias magasinos
Albergos pinziones ristorantes

Cresias cun teattros e museos
Cun logos de recreu e de disvagu
Medas connottos in tottu su mundu

Ma pro connoschere Nizza dae fundu
Zertu chi una chida es troppu pagu
Ca chere nessi tres meses intreos

Serafino Putzolu 1997