Sa Idda e Nonna mia

 
PIZINNIA FESTOS ' IN ALLEGRIA,
PIENA DE FESTASA , DE INCANTOS
PASSADA IN DOMO 'E NONNA MIA
ABBELZENDE OIOS A ISPANTOS;
TENER'AFFETTUOSA CUMPAGNIA
CARASA DE AMIGOS CAROS TANTOS
SONOS DE SA TURR 'E SANTA GIARA
AMMENTOS D'UNA IDDA BELLA RARA.

CHITTO CUN S'AINEDDU POVERINU
A BINZA E SU ANZU PRO ANDARE
A PE ' CUN FRADES PINNA IN CAMINU
CUN SA CUMPAGNIA A BINNENNARE
CATTIGHENDE UA PO FAGHER BINU
IN NURAGALVU PODIA RESTARE
IN SA PINNETT ' A SU LACCU VICINA
AMMIRENDE SA LUNA SETTEMBRINA.

TIA SAU SEMPRE APPO IN MENTE ,
CUN SU SOU FORTE ABBOGHINARE
LA IDO IN SA CARRELA PRESENTE
CANDO CUN FRADE MEU ,PO GIOCARE,
SAS PUDDASA, CUN FAGHER INNOZENTE,
GIARAGAIMUS SEMPRE PRO BOLARE:
"LASSA SAS PUDDAS DIMOò " ,INTENDIA
E GAI SU GIOGU PRESTU NOS FINIA.

DE NONNA SEBUSTIANA S'ONORE
IN CONTOS DE FOGHILE INTENDIA,
DE NONNU A OGNI PRIMU LUGORE
ISCULTEND 'ATTENTU SA POESIA
ISCRITT 'IN TERR 'ANZENA CUN AMORE
A SA BELL 'ISTIMADA IDDA MIA.
IN COSSOINE DEO SO CUNTENTU
E IN THIESI AER FUNDAMENTU.

POI E TANTOS ANNOS SO TORRADU.
SA IDDA E' SEMPRE BELLA PULIDA
IN SAS CARRELAS UE SO PASSADU
NO INTENDES BOGHES CANTOS DE VIDA ,
NO PIUS SU CAMINU IMPEDRADU,
SA ZENTE PARET SEMPRE INTRISTIDA.
NO CONNOTTU NE' MI DANA SALUDU
PASSO TRISTU AFFLIGIDU E MUDU.

PERO' IN VIA UMBERTO PASSENDE
SAS SORRES BOGGETTI MI GIAMANA
IN SU SALOTT'INSORO COGHINENDE
DE MARIANZEL'ISCHIR'ANA GANA
NOVAS DE SU COLONELLU PEDENDE
E SI OGNI PERSON'IN DOM'EST SANA
AUGURAN MEZUS AVANZAMENTU
SA TRISTURA MUTANA IN CUNTENTU.

DEVE TORRAR'IN TEMPUS BENIDORE
SA CARA PIZINNI'E CUNTENTESA
CAND'IN DOM'E VIZILIU BARORE
CHITTO A SUIGHERE IN SA MESA
TOTT'ATTENTOS A SIGNOS DE AMORE
DE VERU COSSOINESU RICCHESA:
SI NO DE MAMMUSCONE SEMUS DIGNOS
GIOVANOS BEZZOS MANNOS E PIZINNOS.

don Tonio Sau (parroco di Ittiri)