Ita est succedendi in su Mundu?
Ita depeus timiri?
Aundi eus sballiau?
Sa morti de cussus innocentis in Francia
Est un’accusa po’ totus.
In nomini de sa libertadi e in obedientzia
a sa dotrina nostra,
arriceus a tottus
a tottus apereus i s portas de domu nostra
e de su coru nostru.
Cussus mortus si narant intamis
Chi sa libertadi, sa bona arricida, funti donus preziosus,
non funti de arregalai ma, a su prus, de scambiai.
Non podeus arregalai donus chi non funti aggradessius,
né cumprendius.
Mancu a nosus s’anti arregalau sa libertadi
Sa istoria nostra hat pretendiu lottas e gherras e mortis
Po’ custu donu.
Non c’est libertadi chene piedadi
Ma,si sa vida de un innocenti non contara
si non movidi a piedadi su prantu de unu pipiu
sa preghiera de una mamma
is lambrigas de is hominis
non si conosciri sa libertadi.
E inzandus depeus arriciri a su strangiu
Ma impari a su coru nostru,
aperaus is libros nostros.