| Sa luna scuregìa
A scusi
sa luna scuregìa
fastìgiat pensamentus
a fragu de asullu
e in custa notti de beranu
mi pongu a spibionai
sùlidus e sentidus cuaus.
Bollu arriposai
bisendi de tui,
imboddiai cun lentzolus de arrosas
cussu sonnu malu,
chi assachitat tzùnchius e arregordus
ingollendi cun issu su disìgiu
de ti biri finas un’atra borta.
In guddei in bàsciu
apicigau a follus de paperi
c’est su silènziu disperau
sbuidu de bàsidus e carìtzias,
pigat a scafadas de pei
fueddus e giochitus de s’ànima,
e s’arregordu de tui
si fait gòcius de amori.
Meravìllia in custu atòbiu de luxi
sentza tempus e setza edadi,
e mancai su tempus passat
biu sèmpiri
su celu arrandau cun pibionis de oru
e a coa intendu chi sighit s’umbra mia
una cantzoni chi contat de nosu
e de cussa luna scuregìa
chi at perpetuau
cuddu bàsidu profumau de asullu.
|
La malandrina
luna
Di nascosto
la malandrina luna
corteggia pensieri
profumati di azzurro
e in questa notte di primavera
mi ritrovo a sgranare
sospiri e bramosie nascoste.
Voglio riposare
sognando di te,
avvolgere con lenzuola di rose
quell’incubo
che agita lamenti e ricordi
portando con sé il desiderio
di ricontrarti ancora una volta.
Laggiù
incollato a fogli di carta
c’è il silenzio disperato
vuoto di baci e carezze,
prende a calci
parole e giochi dell’anima,
e il ricordo di te
si fa poesia.
Meraviglia in questo incontro di luce
senza tempo e senza età,
e nonostante il tempo scorra
vedo sempre
il cielo ricamato con semi d’oro
e dietro sento che segue la mia ombra,
una canzone che racconta di noi
e di quella malandrina luna
che ha immortalato
quel bacio profumato d’azzurro.
|
