Sa morte
di Raimondo Piras

S'omine de sa morte at oriolu,
andat ognunu a pagare sa rata:
ch'essin che trigu*, de punta e de ata,
a ranu-ranu dae su mojolu.

E ch'intrat in sa mola, a colu-a colu
chi maghinat e moliat cumpata:
sa farina in sa dura caderata
che calat a su lacu in-d-unu olu.

Comente in sa mola ch'intrat unu,
luego ponet fatu su 'e duos,
su 'e duos che tirat su 'e trese,

su 'e bator, de chimbe, su 'e sese
sighit sa sorte 'e sos similes suos
ca totu a morrer destinados sunu.

Su chimbe 'e Abrile 1974

* Che trigu: come il grano che cade nella macina del mulino.