Sa morti de sa mata
di Giancarlo Secci

No nci fiant stellas
a prangi
sa morti de sa mata
nì pillonis
satzus de arrulloni
nì tzèrrius de aposentus
o arrùliu de pipias

moriat deaici
cun is alas
biancas de cracina
fortzendi
in su guidu
a circai
cun is ogus furriaus
sa luxi moddi
de s’aurora

no nci fiant massàius
a prangi
sa morti de sa mata
nì bestiàmini
accorrau
e nimancu un’ègua
scapa
de acanta in su sartu

bai e circa
aundi fiant pascendi
chen’ ‘e si furriai
is èguas
de su coru de lionaxu!

Menzione d’onore al premio "Iglesias 2011"