Sa natura, l’’idimos,
da’ s'òmine est offesa,
in donzi logu: terra, chelu e mare.
E tottus già l'ischimos
chi s'òmine l'at presa,
istrinta e non si podet liberare.
Ch’accabent sos turmentos,
cun boghes e lamentos
lis pedit, ma no l'ischint iscurtare,
e tando at comintzadu
su dannu a lis torrare causadu.
L'ant luada ‘e velenu,
de fumos e de fogos,
ch’ant ispèrdidu buscos e forestas,
e sas abbas l'ant prenu,
in mare e àteros logos
de plàstica, petròliu e milli pestas,
ispèrdidu animales,
e causàdu males,
provocànde-li intzendios e tempestas,
e donzi disaura
faghinde semper dannu a sa natura.
Proite in custos annos
sutzedin semper prusu
disastros chi no isco ispiegare?
Allagamentos mannos,
tzittades sutta a susu,
cosas chi no podimos evitare.
Siccagnas, maremotos,
gheladas, terremotos,
chi nemos oe podet controllare?
Sa natura at detzisu:
a s'òmine li dat s'ùrtimu avvisu.
Como bènnidu est custu
monstru lèzu malinnu
ch'at postu pore a s'umanidade,
batinde-nos s’assustu
e mandande su sinnu
chi morta est contra a nos sa piedade.
Custu Virus Corona
bocchit onni pessona.
Sa natura, ma jà est beridade,
nos at zuradu gherra
e ponet in brenugu a custa Terra.
____________________
La Natura e il Virus
La natura lo vediamo,
è offesa dall’uomo,
dappertutto: terra cielo e mare.
e sappiamo tutti,
che l’uomo l’ha legata,
stretta e non si può liberare.
Chiede che smettano di tormentarla,
con urla e lamenti,
ma non la sanno ascoltare,
e allora ha iniziato
a restituire loro i danni che hanno causato.
L’hanno intossicata di veleno,
di fumi e di fuoco,
hanno distrutto boschi e foreste,
hanno riempito l’acqua,
in mare e altri posti,
di plastica, petrolio e mille pesti,
estinto animali,
e causato mali
provocandole incendi e tempeste,
e ogni disgrazia,
sempre procurando danni alla natura.
Perché in questi anni
succedono sempre di più
disastri che non so spiegare?
Grandi alluvioni,
città messe sottosopra,
cose che non possiamo evitare.
Siccità, maremoti,
gelate, terremoti,
che nessuno oggi riesce a controllare?
La natura ha deciso:
all’uomo dà l’ultimo avviso.
Ora è arrivato questo
brutto mostro maligno
che ha portato paura all’umanità,
che ci ha spaventato
e ci ha mandato l’avvertimento
che contro di noi è morta la pietà.
Questo Coronavirus
uccide ogni persona.
La natura, ma è la verità,
ci ha giurato guerra,
e mette in ginocchio la Terra.
