Sa oghe de s’amore e de su dolu
di Angelo Pinna

(A Costantinu Longu)

Palai dominant’est dae s’artura
baddes e montes de custa idd’ amada,
a pes suos dae seculos corcada
e carignada cale ermosura.

Cun sa poesia Tua forte e pura
sa idd’intrea Tue as abbrazzada.
Tue ses mortu, ma non s’est frimmada
de sos versos Tuos sa durcura.

Pustis de vint’annos, Costantinu,
annotas chi sunu sempr’in bolu
sos versos tuos dae sinu in sinu.

In sa Idda nadia u’ as cantadu
sa oghe de s’amore e de su dolu
semper as a esser ammentadu.

In Bolotana, triulas de su 2000.-