Predas chi m’azzes dadu sos nadios
Locos maternos de tempus annadu
Chi a minore m’azzes chilliadu
cant'est duru a bos dare sos adios.

A titta sicca m’azzes allattadu
infustu m’azzes in sos siccos rios
calpestadu bos an sos pedes mios
bos lasso suspirenne e attristadu

S’oju est veladu, infustu est su chizzu
su coro in pettus non cheret calmare
sunu che mamas chi li mancat fizzu

Sunu atterridos non cheren passare
lis’est dolore pena e martirizzu
morinne in coro ca deppen annare

Lampadas 2014