Sa Poesia
di Tetta Becciu

Sa poesia
est un'alentu,
un'aeresitta,
a bortas
un'allutta 'e fogu,
un'ardore
chi t'azzendet
sos cavanos
e ti supuzat
s'anima...

Sa poesia
est musica
chi non si podet
leggere
a libru ispartu,
a bortas
est abbile
chi ti che pijat
a chimas de incantu,
subra pentumas
chi sa resone
podet solu affinare.

Sa poesia
est binu
ch'imbreagat,
est piantu
chi ligat su coro,
attìtu chena consolu…
... peraulas
che alas de mudesa.

Ozieri 2004