Lughente e maestosa ses tue,
Taulara mia, pares reina,
cun su capellu de bianca nue
o cun s'isciallinu de seda fina.

Ojos a tie pro s'orientare,
dae sas primas lughes de s'albore
tue ses sa prima a caentare,
su sole t'asat cun tantu ardore.

Cando sulat su 'entu de grecale
su mantu de nèula t'imprejonat
pares jana chi ch’istrejat su male,
animas bonas issa ammuntonat.

In dies chi frùsciat su maistrale,
sas bòccias de nues subra a tie,
paret in chelu unu carrasciale,
bellas màscaras 'estidas de nie.

Cando àlciat sa frita tramuntana ,
sas nues current a meridione,
eo t'abbàido in sa ventana,
tue semper areste che silvone.

Sos bentos sulant e cun tegus giogant,
cun bentu de sole faghes sa proa,
nues caentant e mascaras bogant
comente un'incantu, torras noa.

Dae minoredda t'ammiraia,
a mie parias logu fadadu,
ch'esseret de prìntzipes, pensaia,
pro me sas nues fiant de broccadu.

Pares sa nae pietrificada
cun velas tèssidas dae su ‘entu,
pro s'assimizu ses istudiada,
su timone mannu tenet s'ammentu.

Hermea insula, onor'a Deu,
t'ant fentomadu romanos antigos,
issos l'invocaiant pro s'anneu
de navigantes contra inimigos.

Cussa notìscia jà non m'ispantesit,
Carlo Alberto, su re de Sardigna,
su Taularinu incoronesit,
ca de unu regnu jà fias digna.

Trabàgliu meda as semper dadu,
mama de benes de 'onzi zenia,
su terrinu tou unu siddadu
oe tutelada, Reina mia!

In su passadu, no meda atesu,
pedras tuas in su furru coghiant,
no timian fadiga, bent' in mesu,
dae calchina fizos pesaiant.

Dae sas pedras tuas 'essint sonos,
in iscuras grutas sirenas cantant,
atraent ànimas cun versos bonos,
de sa terra tua sas musas 'antant.

In tegus s'ànima de sa pessone,
a dies pèrdida in custu mare,
nàufraga, de sa pedra prejone,
a dies donas lughe pro amare.

Olbia, 10 ottobre 2014

=========================

La regina di pietra

Come sei bella e maestosa,
o mia Tavolara, sembri una regina!
Sei elegante con un cappello di bianche nuvole
o con uno scialletto di seta preziosa.

Noi osserviamo te per orientarci,
dalle prime luci dell'alba
tu sei la prima a scaldarti,
il sole ti bacia con tanto ardore.

Quando soffia il vento di grecale
un manto di nubi t'imprigiona,
sembri una fata che allontana il male
raggruppando le anime buone.

Nei giorni in cui fischia il maestrale
su di te vediamo palloni di nuvole,
sembra che in cielo ci sia un Carnevale,
tutte le maschere son vestite di nuvole.

Quando s'alza il freddo vento della tramontana
le nubi corrono verso sud,
io ti guardo dalla mia finestra,
sei sempre agreste come un cinghiale.

Tutti i venti giocano con te,
ti metti alla prova anche con lo scirocco,
le nubi si riscaldano e si tolgono la maschera
e tu, come per incanto, appari nitidamente.

Quand'ero piccola ti ammiravo,
a me sembravi un posto magico
abitato da pricipi,
e le nubi mi sembravano di broccato.

Tu somigli ad una nave pietrificata,
le tue vele sono state tessute dal vento,
per questa somiglianza insigni studiosi
hanno trovato somiglianze con la nave dei Feaci.
Un grande timone (Punta Timone) ne conserva il ricordo.

Gli antichi romani ti hanno denominato Hermea insula,
per onorare il Dio Ermete,
loro t'invocavano per ogni preoccupazione
che impensieriva coloro che navigavano in quei mari.

Non rimasi stupita quando appresi
che Carlo Alberto, il re di Sardegna,
incoronò un abitante di Tavolara
poichè tu eri degna di un regno.

Hai sempre offerto molto lavoro,
sei ricca di beni di ogni specie,
il tuo territorio serba tesori,
oggi sei tutelata, o mia Regina!

In un passato non molto lontano,
il calcare delle tue rocce era "cotto" nei forni,
gli operai affrontavano con buona volontà la fatica, e con coraggio le intemperie.
Dal guadagno ricavato dalla vendita di quella calce, i padri di famiglia traevano il sostentamento per le loro famiglie.

Le tue pietre emettono dei suoni,
le sirene cantano nelle buie grotte,
attirano le anime con dei bei versi,
nella tua terra si coltiva la poesia.

Tu possiedi un'anima umana:
nei giorni tristi ti ho vista smarrita nel mare,
naufraga, prigioniera della durezza della tua roccia,
nei giorni lieti ci doni la luce per amare.

Olbia, 20 ottobre 2014