Sa Salve Regina
di Bainzu Cossiga

Salve Regina Mama piedosa,
Vida, dulcura nostra et isperantia!
Exules fizos d’Eva isventurosa,
Recurrimus a Tie cum fidantia.

In custa bascia Valle lagrimosa,
Ue s’Humanidade est in errantia,
A Tie, qui ses tota affectuosa,
Suspiramus, clamamus cum instantia.

Ajò edducas, o nostra Advocada,
Fixa in nois sos ojos da una ia:
Mustranos a Jesùs – Una mirada

Materna et amorosa, qui nos dias,
Restat sa sorte nostra assegurada,
Dulce et clemente, Virgine Maria!