Sa Sardinna non tenet prus pandera
di Mario Sanna

Sa Sardinna non tenet prus pandera
Sa chi teniant si l’ant baratada
Postos nche cheriant in galera
Sos chi pro mesu petza si l’ant dada

Sa zente una borta libera fiera
In su mundu istimada e rispetada
Si bortat totu in d unu ‘e cherbeddera
Da mere in terachia s’est torroda.

Sa Sardinna s’at postu su capeddu
Ca benit fora ‘e moda sa barrita
Ma non zuchet nen conca nen cherbeddu

Si dat de manu sua isculifita
Ubidit che pitzinnu minoreddu
Non bidet cantu leza est s’isconfita

No ischint che cantare a trallalera
Sa Sardinna non tenet prus prus pandera!

°°°°°°°°°°°°°°°°°°°°°°°°°°°
Sa Sardinna s’at postu su capeddu
Sa barrita est essinde fora ‘e moda
In conca l’est ziradu su cherbeddu
Si sedit de un’italianu in coda

(variante de sa prima pesada)