Sa terza turre de sos dirittos
(A Rosalba Satta)

Sa turre alta es troppu rischiosa
Soggetta, che-i sas gemellas, a che ruere:
chie cun prepotenzia cheret’induere
si straziu de sa gente bisonzosa!

Chie est’a sutta non pode fuere
dae s’indolenzia superbia vanitosa,
sa miseria, sa rabbia velenosa
podete sa terza turre distruere.

Sa Babilonia antica e moderna
de Nerbon infame, su dominiu
à de deus sa maledizione eterna.

De su tempus modernu e anticu
de sa prepotenzia vile, si sterminiu
Deus cumanda s’orribile casticu.

Su rispettu fraternu, sa libertade
de amare su prossimu che frade,
azzuare su poveru in sa necessidade
èr dirittu e non caridade!

Sia biancu o nieddu est’unu frade
sa chiza non cambia s’identidade,
chie comandata a sa vacultade
de governare imparziale e onestade.

Su poveru sottomissu e ubbidiente
a si imposizione de su riccu
er derisu, avilidu e maltrattu.

Ma deus a casticadu cussa gente
Certos lana vivida a s’impiccu;
e certos, no ischimus sa vine can fattu.

Non so puddericu, nè novellu
ezzu so e norantachimbannos.
prenu de acciaccos e malannos
a sa clemenzia e deus fac’appellu.

So amante de su onu e de su bellu
so contr’a sos abusos e ingannos,
amo e ammiro sos genios mannos
chi usana pinna, tinta e pinzellu.

Passo su tempus meditande
o leggende notizias struttivas
e su lumene tuo in s’Ortobene.

Intanto chin su tempus es colande
isetande bonas direttivas;
di saludo e d’auguro chi istes bene.

GASPARE MELE
Orotelli 28-06-2006