Sa tua missiva
de Antonio Altana

Ap'idu como sa tua missiva
ca apei problema 'e machinariu
ma como chi so torra in su binariu
ponzo risposta in locomotiva
rinnoende saludos cun s'evviva
pro cumplimentos e pro notisciariu
chi abbelzat de me un'ispiragliu
contendeti de vida e de tribagliu.

xxxxxxxxxx

"Bivo a Roma ma so de Uddusò,
cojuadu a Turalva, duos fizos
chin tres nebodes; totu chi chi sò.
Trintaset'annos tremulende chizos
cun talpas pro achivos de su pro
istampende de monte duros pizos.
E como in pizama e in catola
so ponzende sas rimas ola ola."

Rendendeti grascias ancora pro su cumbidu
ti mando una forte istrinta de manu, Antoni Altana