Sa visita a su Campusantu po sa (Tumba Cara)

Ogni olta chi ando a Campusantu
Sa Tumba tua visito cun Brama
Ma cun sos oyos prenos de Piantu
Ca in S’Internu bi ses tue o Mamma

Sigomente istimadu t’appo Tantu
Mi lassas Dolorosa una Fiama
E su sorrisu tou in festa o Drama
Lu tenzo in Coro che Amentu Santu

Cun tale amentu giuro e pro Memoria
Cando enzo imbenugadu a ti Pregare
Su Babbu Nostru o Salve Maria

Tando mancari essende in Santa Gloria
Mamma Cara a sa Forza e ti Penzare
Assere Morta e Pares Sempre Bia

Serafino Putzolu - Ardauli Dicembre 1997