Si est beru ca onzi ferulia
l'hat criada Deus in persona
pensande ca faiat cosa bona
hat postu s'omine in tribulia.

De ispecias nd'hat fattu pius de mille
e medas sun puru infettadas
dae su Nilu arriban in cambaradas
bochinde sos cuaddos in su cuille.

Peus bestia de issa non bada
sanguinaria vigliacca e traitora
propriu cando de riposu est s'ora
colpit in su buiu a sa vidada.

Est capazze fintzas de occhire
s'omine allergicu a su sou velenu
ite fiat pensende su Mere terrenu
cando s'est postu a da cuntzepire.

In piusu ca su sambene an suzzadu
ti lassant de regalu bubbusone
causandedi iscrafinzu e aflizione
cun sa pedde in corpu martoriadu.

Isperdidu c'hamos Dinosauros
e ateros gigantescos animales
ma de custas bestias infernales
onzi die abarramos cullonados.

Pro dare a sas ranas s'alimentu
hat infertu a s'omine avolottu
chi mancari si cuerret bene tottu
lu punghet su matessi a tradimentu.

Ghilarza 21/08/2013