A s'amigu Luigi Ladu de Bolotana (Saludos de Ardaule)
di Serafino Putzolu

Da custu meu natale paese
Cun sos milli e chentu abitantes
Caru Luisu a inue sese
Sos saludos bos mando in sos istantes

In Ardaule Reginas e nen Rese
Non c'à naschidu mai e nen zigantes
Ma sa zente est'onesta iscas e crese
E pro me sun sas bases importantes

Non c'à naschidus Pabas e ne Santos
Ne Mussegnores e ne Cardinales
O mastros mannos in chilca e badanzos

Ma sunu sempre istados ospitales
Cun onestade a tottu sos istranzos
Pro cussu los istimo a totugantos

==============

Si non ti es disturbu a viaggiare
Cando cheres t’ispetto in bidda mia
S'indirizzu b'à pagu a isbagliare
Serafinu Putzolu c'ada unu ebbia

De via Roma so in s'antiga via
Baranta noe numeru e notare
Ca sò piagherosu e ospitare
A tie caru e signora Maria

Cumprendo su tou penosu affannu
Ca s’ischina es su centru pius duru
Ca in sossatura ogni puntu est precisu

Ma si non podides bennere occannu
Tando isperamos in s'annu futuru
Cun menzus forma e salude Luisu
__________
E da custa Ardaule incantadora
Caru saludo a tie e sa signora

Ardaule, 9 Cabudanne 2009