Santandria

Comente essera in su mudu dolore
de su ‘entosu Cuventu de Illorai
– ue m’est ammentu su passadu –
apo saludadu sos Mannos mios
in su nitzu ‘e neula
de su Campusantu padanu de Siziano.
In sas losas de sos Chiesa Pavesi
apo agatadu sos matessi mortos mios.
In cussas de sos Mellani e Astori
apo pregadu pro sos Puddu Gessa
cun sos Dore e Mameli
ligados dae unu frutu cumpridu.
Dae sa corona ‘e rù de su Cristos
apo acraradu de frades s’esisténtzia.

Cristoforo Puddu