In gherra ant perdidu sa vida,
fint zovanos prenos de coratzu,
de s’antiga terra,
fizos, omines beros,
pro un’amada patria,
sardos eroes.
Cussa preda lada,
totu sos numenes
sighit a gullire,
curret su tempus,
ma s’istoria est petta bia,
niune potet irmentigare.
In gherra ant perdidu sa vida,
attesu dae mamas e isposas,
muntagnas artas,
log’anzenu,
cantas rughes
sutta su nie.
E sos mortos in mare,
dies nieddas, chena lughe,
fit annu de tristesa,
su barantatres,
naves affundadas,
bombas proidas dae chelu.
In gherra ant perdidu sa vida,
chiriant solu paghe, libertade,
chin sonnios e valores mannos,
pro tottu su chi nos ant lassadu,
galu presentes, semper bios,
sardos eroes.