TRINTA SESE ANTIGU

a su poeta e fedale Luigi Piu de Magumadas

Sas Campagnas
di Serafino Putzolu

A sas cittades mannas rumorosas
Tue preferis sas campagnas bellas
De sa natura Sarda profumadas

Sa costera dechida e Magumadas
Controllas dogni chida tott’intera
Sa e Magumadas dechida costera
Controllas tott’intera dogni chida
Sa e Magumadas costera dechida
Controllas dogni chida intera tottu
Dogni profumo e monte t’és connottu
In prus bies su mare e s’unda pura

A sas cittades mannas rumorosas
Tue preferis sas campagna bellas
Profumadas de sa Sarda natura

De fae pisu patata e verdura
Luisu sa riserva tenes fata
De fae pisu verdura e patata
Sa riserva tenes fata Luisu
De patata verdura fae e pisu
Luisu sa riserva fata tenes
Cun tottu cussos naturales benes
Affrontas s’istesone fritta o carda

A sas cittades mannas rumorosas
Tue prefereis sas campagnas bellas
Profumadas de sa natura Sarda

De su manzanu chitu a s’ora tarda
Ses de binza in su sovranu situ
De s’ora tarda a su manzanu chitu
Ses de sa binza in su situ sovranu
De s’ora tarda a su chitu manzanu
De sa binza in su sovranu situ sese
Perô c’às binu bonu in su paese
Ti d’an vantos in tottu sas carrellas

De sa natura Sarda profumadas
A sas cittades mannas rumorosas
Tue preferis sas campagnas bellas

Binzas ortos decoras e modellas
Ristoras muros e cancellos tortos
Modellas decoras binzas e ortos
Cancellos tortos e muros ristoras
Binzas ortos modellas e decoras
Ristoras muros tortos e cancellos
Ma su profumu de sos frores bellos
Respiras che sos veros giardineris

De sa natura Sarda profumadas
A sas cittades mannas rumorosas
Tue sas bellas campagnas preferis

A bonu amigu sa cantina aperis
Che Sardu Antigu de ratza latina
A bonu amigu aperis sa cantina
Che de ratza latina Sardu Antigu
Aperis sa cantina a bonu amigu
Che Sardu Antigu de latina ratza
E in cantina oppuru in sa piatza
Lis cantas rimas bellas pro cucagna

De sa natura Sarda profumadas
A sas cittades mannas rumorosas
Tue preferis sas bellas campagnas

Culurzones Malloreddos cun bagnas
Arrustos de polcheddos e anzones
Malloreddos cun bagnas culurzones
Arrustos de anzones e polcheddos
Culurzones cun bagnas Malloreddos
De polcheddos e de anzones arrustos
Custa gastronomia, de altos gustos
Enit cantada in tottu sos Osannas

Tue preferis sas campagnas bellas
De sa natura Sarda profumadas
A sas cittades rumorosa mannas

In Bidda mia t’aperzos sas giannas
Ca cherzo chi mi fetas cumpanzias
Sas giannas t’aperzo in Bidda mia
Ca chi mi fetas cumpanzia cherzo
In Bidda mia sas giannas t’aperzo
Ca cherzo chi cumpanzia mi fetas
Ca sos amigos fedales poetas
Sun pagos chi an cussas calidades

Tue preferis sas campagnas bellas
De sa natura Sarda profumadas
A sas mannas rumorosas cittades

Cando in zona Ardaulesa pigades
Pros preparamos una bona mesa
Cando pigades in zona Ardaulesa
Bos preparamos una mesa bona
Cando pigades in Ardaulesa zona
Una bona mesa bos preparamos
Canta canta sa Idda visitamos
Cun tantas cosas bellas decorosas

Tue Preferis sas campagnas bellas
De sa natura Sarda profumadas
A sas mannas cittades rumorosas

Cando enis a inie frores rosas
Meritas cussa die cun onores
Cando enis a inie rosas frores
Meritas cun onores cussa die
Frores rosas cando enis a inie
Cussa die cun onores meritas
Sas Bandieras tottu in rima iscrittas
Cun s’isperanzias chi sias presente
E fino e ti saludo caramente

Courbevoie su 29/2/2008