SAS CAMPAGNAS DE SILIGO 0E, E DERIS

Siligo a ite puntu ses bennidu
dae giardinu a unu muntonarzu,
su campu,de sisia e d'evenarzu,
de pronizza e tiria est bestidu.

Prima fisti unu campu fioridu,
dae Lasari finas'a, su chessarzu,
ca rilughentes biculos d'attarzu
ti tenian tribagliadu e pulidu.

Su t'idere gai abbandonadu,
e pensende a su chi fisti deris,
sas lagrimas su visu mi han sulcadu.

Pastorese,massajios,binzatteris,
de Silighesos no bind'hat restadu
sos duos chi bi sun sun furisteris.

Si torrerat sa gioventude amada,
chi da trint'annos e pius che fora,
Filipu Ara e atteros ancora,
pro su tribagliu umanu fentomada.

Sa zona Silighesa trasformada
de zertu dia idere in pag'ora
cun abundante fauna e cun flora
comente cando issos l'han lassada.

Campos indeorado de laore,
trigu bellu de prima calidade
fae,pisellu,caule a fipore.

Silighesos de giovanile edade
tribagliade sos campos cun amore
si no perdides sa ostra entidade.

Mimmia Soro (Olanda 1993)