Sempre ispera
di Mimmia Soro

Coraggiu sorre amada sempre ispera
Cun sa fide chi tenese in su coro
No ponzas s’isperanza in abbandonu.

Fattu su tempus malu enit su onu
E det torrare limpida s’aera
Su sole det mandare rajios d’oro.

E potasa godire a crebu issoro
Dogni disizu onestu e dogni brama
Cun sórijia parada a calchi tronu!!

Mantene biu s’orgogliu de Mama
E de Nonna esemplare che tesoro
Ca sa mezus vendetta est su perdonu.

(Olanda)