Come la tarra nostra di ‘Ignòla
poara pa lu ‘entu e pa l’asprìa,
battuta da lu sòli a mani e a séra,
cussì la nostra ‘ita: poara e sòla:
una fruédda grama di custéra
battuta da lu ‘entu e mai fiurita.

Semu subbitu ‘ecchj…
Come li suari di chista Gaddhura,
chi créscini pa dà a lu Maistrali
lu fiancu di la meddhu ciuintura:
ventu di mari ci strappa li frondi,
unda di ‘jélu ci stronca li rami
e di lu stiu ci sicca la bura.