Sera 'e 'ocos
de Salvatore Fancello

Ischintiddas e fumu in chelos trinos
e cuntzertos de campanas e brillios,
e lanas e amores in birbillios* òòòòòòòòòòòò*fermento
imberghene che tazos in caminos.

Tott' intundu sa parta che una mandra
est festande su Santu sanadore* òòòòòòòòòòò*Sant' Antonio abate, guaritore dell'herpes
chi 'e sa carre frimadu hat su brujore
untande in sa carena sa malandra* .òòòòòòòò *verruca

Unu rosariu in manu po su pinzu* òòòòòòòòò*pegno, promessa, ex voto
e un' ascruza 'e linna beneitta,
unu sinnu, unu 'asu a sa ruchitta
unu 'ocu balente in su trighinzu.

Dae s' aèra a fauzu* travuntana òòòòòòòòòòò*in giro
est falande chin froccos a sas tancas,
e bolana sas funes dae francas
po l'atzappare s' istella baiana* . òòòòòòòòòò*scapola

In ojos de pitzinnos cudd' incantu
chi trasparit durcuras isconnotas,
in coro de sos mannos milli lottas
anticas, de onores e de bantu.

A drinnos d'amistade e de amore
campaneddas caminan in sas ghias
iscapande superbas melodias
a su tempus de como, e benidore.

In sa cara festante, che isteddu
iscassan sas massiddas* a su risu òòòòòòòòòò* guance
e in laras buffande 'achen accisu
saniettes de biancu e de nieddu.

Dae su 'ocu ruiores de saurras
si perden in sa notte chin su frittu,
e fachen ghia tichirrios d' urgunittu
e boghes de tenores e de murras.

E cumpannias fachen sa nottada,
chin imbriacheras a sas tardas oras
a muinas e muttos e lilloras..............
Custa notte non drommit Mamuiada.!