Si fessi stetiu prus
intelligenti
de camisas tres parigas ndi tenìa
e una dogna dì mi ndi ponìa
comenti ùsat a fai meda genti
chi càmbiat de camisa prontamenti
candu dda bìnt apena scolorìa.
Ma po fortuna sa camisedda mia
no s’est scolorìa propriu nienti,
e candu dda portu infusta de sudori
-cosa chi càpitat dogna dì de mesi-
no potzu fai de mancu de pensài,
ita bàlit su traballu e su valori
candu camisas si ndi tènint tresi:
duas po fingi’ e una po furài ?
