Ci sunt moris
de custu camminu
innui s'anima si perdidit
in sperrumus scuriosus
de sa notti

debadas affarruncu su xelu
po' cumprendiri
su sensu de sa vida

si tui non m'amessit
comenti su frori sa terra
su cau su mari
su bentu is nuis

no m'hemu a firmai a tardu
in su liminargiu
anneulada de axius
po circai
in is lacanas sperdias de su xelu
circhiollas de speras

Serdiana

1° Premio "Sa Madonna 'e Su Nibe" Teti - anno 2006