| Sigo a ti
chircare
Tottue apo chircadu
de te un'assimizu,
cun sa fortza 'e s'ammentu chi s'istiga
in coro m'at lassadu,
bogandeminde a pizu
tottu su chi m'as dadu, cando amiga
fis de sos tempos mios,
cando s'abba 'e sos rios
infundiat, in cussa muta antiga,
su pettus nudu meu,
faghìndemi connoscher su recreu.
E sigo a ti chircare,
mancari istraccu sia,
in sos zassos chi semper nos an bidu
paris a peleare
sa vida, in cussa 'ia
chi biu fit e forte su sentidu
ch'in coro mi naschiat
e m'accumpanzaiat
in cussu padru 'irde e fioridu,
ube lestros, currinde,
cuss'incras nostru fimis isterrinde.
Ma su tempus est ladru
e tottu ch'at cuadu
de cussa ispera tua e de sa mia;
de cussu amenu padru
mi ch'apo ismentigadu
sos nuscos, su colore e s'armonia.
Ma non poto olvidare
cussos ojos de mare
chi fin sa menzus prenda chi tenia.
E sigo a ti chircare,
fintzas ch'a cussu chelu ap'a pigare. |
Continuo a
cercarti
Ovunque ho cercato
qualcosa che ti somigliasse,
con la forza del ricordo che il segno
mi ha lasciato nel cuore,
facendo riemergere
tutto ciò che mi hai dato, quando amica
eri dei miei tempi,
quando l'acqua dei fiumi
bagnava, in quel tempo antico,
il mio petto nudo,
facendomi conoscere la gioia.
E continuo a cercarti,
anche se stanco,
nei luoghi che ci hanno visto sempre
insieme ad affrontare
la vita, in quel periodo
che era vivo e forte il sentimento
che mi nasceva nel cuore
e mi accompagnava
in quel prato verde e fiorito,
dove veloci, correndo,
progettavamo il nostro futuro.
Ma il tempo è ladro
e tutto ha nascosto
di quella tua speranza e della mia;
di quel prato ameno
ho dimenticato
i profumi, il colore e l'armonia.
Ma non posso dimenticare
quegli occhi di mare
che erano il tesoro più grande che avevo.
E continuo a cercarti,
fino a quando salirò a quel cielo. |
