Siligo su tou panorama
A unu veru incantu ad’assimizos,
Cun Mont’e Sant’Antoni subra chizos
Chi fieru ti vigilat che mama,
Finzas in chelu bi has distintos fizos
Chi a tie hana resu onor’e fama,
Deo ammento cun orgogliu e brama
Tantos dulzes carignos e cossizos.
Mi cummovo cand’ido a Monte Santu
Imposante gigante monument
Geniu immortal’e sa natura.
Pro sa posizione e cumpostura
Superad’a Limbara e Gennargentu
Ca est de sos incantos veru incantu.

(Olanda)