So’ istraccu d’esser umbra
di Giovanni Piga

Non s’intendet pispisu in custa notte.
Mama est gal’a ghirare.

Da-e prus de mill’annos,
Mama mea
est cochende pane anzenu
pro una mura ebbìa ‘e pane assuttu,
chi ghirat in sa franda, presa a chittu,
de sapore istasiu... e paret mele...

Sa gana mea non si gustat mai.

Jaju meu mi nabat:
“Deddè, tene passéntzia
chi su cras at a bénner
ingraniu ‘e pane e de asséliu”.

Prus de duamiza annos so’
isettande
de m’apentare ‘e pane e de cossolu,
de no intender prus intro su coro
su pistichinzu rànchiu ‘e s’isettu
de mill’ àtteros frades
in bida... pro sa morte.

Mama galu non ghirat.
M’est dande ite pessare.
M’iscàmpio a sa bentana:
non si biet.
Sa notte, in foras, paret un’incantu.
Ma in d-unu chelu grispu ‘e ispantu
sa cara ‘e sa luna ispapajada
paret “s’Urulu” ‘e Munch...

S’est torrande a pesare su bentu...

Innedda si nch’intendet carchi tronu.
E Mama non bi ghirat...
s’accattat trepojada
in sos ghiriles longos de unu
“Burka”.
So’ famiu...
Iscanzàemi s’àghidu ‘e sa luche:
so’ istraccu d’esser umbra intro
s’istoria...

^^^^^^^^^^^^^^^^

Son stanco d’esser ombra

Non si sente uno strepito stanotte.
Mia Madre non è ancora tornata.

Da millenni,
mia Madre
cuoce pane per gli altri
per un tozzo di pane secco,
che porta a casa avvolto nel grembiule,
di alido sapore ... e sembra miele...

La mia fame non si spegne mai.

Mio nonno mi diceva:
“Figliolo, abbi pazienza
che il domani verrà
prosperoso di pane e di quiete”.

Da più di duemila anni ancora
aspetto
di saziarmi di pane e di quiete,
di non sentire più dentro il mio cuore
il sottile tormento dell’attesa
di mille altri fratelli
vivendo... per la morte.

Mia madre ancora non ritorna.
Mi rode il suo pensiero.
Mi affaccio alla finestra:
non si vede.
Fuori, la notte sembra ammaliata.
Ma in un cielo sgomento
il volto della luna spaventata
sembra “l’Urlo” di Munch...

Si sta alzando di nuovo il vento...

Ha ripreso a tuonare in lontananza...
Mia Madre non ritorna...
è rimasta impigliata
fra le pieghe-prigione d’un
“Burka”

Ho fame...
Apritemi le porte della luce:
son stanco d’esser ombra nella
storia....