(A sa memoria de Casimiru de Magistris)

Mudas creschen sas penas
in su giardinu tancadu:
si s'omine si faghet terra
malzini sas raighinas
de su fiore de s'anima.
Solamente s'amore
-si che fiore s'abberit
a sa lughe'e su manzanu-
passat sa brama de terra,
appasigat ogni turmentu.
Naschet attesu su cantigu
'e s'abba chi pasida falat
in su giardinu de s'anima:
su cantigu 'e sa creschida noa,
su fiore de s'anghelu nou.