In sa cora de ludu malaitu:
sa cara assuscada dai su famine,
su coro assustadu dai sa randine
de ballas, trinigat una lastima
muda in su cavanu biaitu.
E ti parent seculos sas iscutas
dai un’ala a s’atera ‘e su flumene,
cun sa matessi gana de torrare,
sos alenos nemigos tue iscultas.
Sighende sa colora de peutas
in su nie in tottue ispartu,
cun sa morte chi isetat a costazu,
su benidore pius no iscriet.
Cun sas laras fresadas in su bentu
aupàdu su murmure si pesat,
urulat dai atesu a una oghe,
pedende solu un’atera die.

Poesia in ricordo dell'artigliere del 120 ° Pala Giovanni Angelo di Pozzomaggiore, morto nel campo di prigionia di Volsk in Russia il 2 maggio del 1943 all'età di soli 23 anni.