Sonniu inchietu
de Vittorio Falchi

a Bruna
(ca tenimos Saveriu sempre in coro)

Mi diat bastare
de t'intender su notte
su respiru serenu
pro chi deo puru
potera dormire
unu sonnu de paghe.

Ma t'intendo in affannu,
su respiru pesante
e cumprendo
chi su dolore tou
no at fine.

E mi sento impotente
e incapatzu
de ti dare cunfortu
ca sa matessi pena
chi t'angustiat sa vida
mi privat de arturios e sentidu.

E ti leo sa manu
cun sa manu
e cun delicadesa
la carigno,
e mudu piango
intro su coro
su disisperu tou
chi est su meu.

29 de bennarzu de su 2013