Iscultami, ti prego,
lieru so colande,
in s'impedradu iscuru de sa vida;
po torrare luego,
a gioghittos, brincande,
cun sa die, chi como est torra ischida.
E bolo cun sos bentos,
trazzande sos ammentos,
chi de su coro chircana s' 'essida.
In custa immensidade,
galanu, curro e ballo in libertade.

Faeddo cun sa luna,
e giogo cun sos frores,
est goi chi los poto carignare:
cun frinas de fortuna,
in tempos benidores,
s'amore abbellu abbellu t'apo a dare.
Cuadu est in su sinu,
poberu e miserinu,
tenet bisonzu 'e 'oghe po cantare.
Ca l'apo imboligadu,
in tramas de belledu e de broccadu.

Finas in s'arcu 'e chelu,
cantos versos iscrio,
in chentales, isteddos e padentes;
colo comente anghèlu,
ch'in sas àeras bio,
de su sole sos sonos prus lughentes.
E po los iscultare,
che los ponzo in su mare,
in abbas coloridas e balentes.
San undas, su manzanu,
dipinghen sa mudesa de s'arcanu.

Su murmuttu 'e s'amore,
in su coro, profundu,
cuntentu, pesat mutos de mudore;
tintinnos de colore,
in su caminu, in fundu...!
...mudu e diòsu acchimat unu frore.

Suoni........di silenzio

Ascoltami, ti prego,
sto passando, libero,
nel selciato buio della vita;
per poi subito tornare,
facendo le moìne, saltellando,
con il giorno che ora è di nuovo sveglio:
Volo con il vento,
trascinando i ricordi,
che del cuore cercano l'uscita.
In questa immensità,
leggiadro, corro e ballo in libertà.

Parlo con la luna,
gioco con i fiori,
è così che li posso carezzare;
con brezze di fortuna,
nei tempi che verranno,
pian pianino ti darò l'amore.
E' nascosto nel petto,
povero e meschino,
ha bisogno di una voce per cantare.
Sono io che l'ho avvolto,
con trame di velluto e di broccato.

Anche nell'arcobaleno,
quanti versi scrivo,
in costellazioni, boschi e stelle;
passo come un angelo,
che vede nell'aria
i suoni del sole, i più lucenti.
Per poterli ascoltare,
li metto nel mare,
in acque colorate e di valore.
Il mattino, le onde,
colorano il silenzio del mistero.

Il mormorio dell'amore,
nel profondo del cuore,
intona, contento, stornelli di silenzio;
nella strada, in fondo,
tintinnii di colore.....!
..............silenzioso, con grazia, germoglia un fiore.-

Seconda classificata ottavo concorso di poesia in lingua sarda “Poetas in Orane” - 2015