Presente l’atzis s’intragname 'e s’unnu
Chi vormata est de chirchinos in annos
Testimonzos los chircamus a mannos
Pro s’issoro bellesa in custu munnu
Los mantenene ritzos chene affannos
Sas raichinas chi ne valana a funnu
Sun eternos cussos mannos otzastros
Manneddos 'etzos de un’iscola mastros

Si ne ghettates a moddhe una preta
Issa n’achirrat a funnu a sa muta
In s’ora si moven da uve n’est rutta
Chirchinos vormantes unnas de seta
Chi carignanne costanas assuttas
Mustran de Flora sa vorma perfetta
S’abba in chirchinos est in movimentu
Che sos manneddos in insignamentu.